Өвөг дээдэс маань бидний төлөө хөдөлмөрлөсөн.

Өдгөө бид үр хойчийнхоо төлөө хөдөлмөрлөх ёстой.

Газар тариалан

Нүүр хуудас

Газар тариалан

Ургац алдаж, үйл ажиллагаа нь доголдож, Газар тариалангийн уналтын эгзэгтэй үед Гацуурт ХХК нь ойрын ашгийг бус алс хэтийн ирээдүйг эрхэм болгож ХАА-н салбарыг хөгжүүлэх зорилго тавин 2002 оноос эхлэн өнөөг хүртэл 500 гаруй тэрбум төгрөгийн хөрөнгө оруулалт хийж, эрчимжүүлсэн газар тариалан мал аж ахуйн чиглэлээр үйл ажиллагаа явуулж байна.

“Баяндулаан Уул” ХХК-ийг 2003 онд худалдан авч, түүний бааз суурь дээр түшиглэн Монгол улсын газар тариалангийн гол бүс нутаг болох Сэлэнгэ аймгийн Цагааннуур, Түшиг, Хушаат, Алтанбулаг, Ерөө, Сайхан, Шаамар, Дархан уул аймгийн Хонгор сумдад нийт 50 000 гаруй га талбайд үр тариа, хүнсний ногоо тариалж байна.

“Гацуурт” ХХК-ийн ХАА-н салбарт хийсэн хөрөнгө оруулалт бүтээн байгуулалтын ажил нь газар тариалангийн салбарыг дахин хөл дээр нь босгоход түүхэн үүрэг гүйцэтгэж, дотооддоо үйлдвэрлэлийг хөгжүүлэн хүн амыг эрүүл хүнсээр хангах бололцоог нээн харуулж өгсөн ач холбогдол нь оршино. Хөрс нь хар хүрэн өнгийн хөнгөн шавранцар механик бүрэлдэхүүнтэй. Ялзмаг хуримтлалын давхарга талбайн байршил, хөрс үүсвэрийн хүчин зүйлээс шалтгаалан харилцан адилгүй хамгийн нимгэн нь 30 см, зузаан нь 60 см. Үржил шим сайтай хөрстэй. Талбайн хөрсний урвалын орчин сул шүлтлэгээс сул хүчиллэг учир тариалан эрхлэхэд хамгийн тохиромжтой.

Байгуулагдсан он
2005 он
Хөрөнгө оруулалтын хэмжээ
500 тэрбум
Газар тариалангийн бүс
50 000 га

Үр тариа


Үр тариа

“Гацуурт” ХХК нь 42,1 мянган га-д улаан буудай, 7000 га талбайд рапс, 1,2 мянган га талбайд овъёос, мянган га-д арвай болон бусад үр тариаг тарьж ургуулан зах зээлийн 20%-г хангаж байна.


Хүнсний ногоо

668 га талбайд төмс, хүнсний ногоо тариалж 10000 тонн ургац хураан авч байна. Монголчуудын голлох хүнсний ногоо болох төмс, лууван, манжин сонгино, байцаа, сармис тариалахаас гадна өргөст хэмх, улаан лооль гэх мэт нарийн ногоог тодорхой хэмжээгээр хүлэмжинд тариалдаг.


Газар тариалангийн салбарт ашиглаж буй технологиуд

“Гацуурт” ХХК нь газар тариалангийн салбартаа баримтлах гол зорилго нь хөрсний үржил шимийг сайжруулах, 1 га талбайгаас авах ургацыг нэмэгдүүлэхэд оршино. Иймд хөрсийг хөндөхөөс 100% татгалзаж, ТЭГ ЭЛДЭНШҮҮЛЭЛТ –ийн технологийг нэвтрүүлж, хөрсний чийгийн алдагдал болон элэгдлийг багасгах, хөрсний үржил шим, тарималын ургацыг нэмэгдүүлэх зорилгоор жил болгон бордоотой болон тэжээлийн тарималтай тариалах бодлого боловсруулж ажиллаж байна.

Газар тариалангийн салбарын тогтвортой хөгжлийн стратеги нь эдэлбэр газрын үржил шимийг сайжруулахад чиглэгдсэн эдийн засгийн үр ашигтай, байгаль орчны тэнцвэртэй байдлыг хадгалсан эрчимжүүлэх чиглэлээр тариаланг эрхлэхэд оршино

Талбайн хэмжээг нэмэгдүүлэх замаар ургацын хэмжээг нэмэгдүүлэх биш харин хамгийн үржил шим сайтай, хамгийн өндөр ургац авна гэсэн талбайг сонгон тариалж 1 га талбайгаас авах ургацын хэмжээг нэмэгдүүлэхэд анхаарч ажиллах зорилт тавин ажиллаж байна. Дараах технологиудыг нэвтрүүлэн ашиглаж байна.

Тэг элдэншүүлэг
Тэг элдэншүүлэг гэдэг нь хөрсийг үрлэхээс бусад ямарч тохиолдолд хөндөхгүй байх юм. Энэ нь дараах давуу талтай.
Сүрлэн бүрхэвч үүсгэх
Сүрлэн бүрхэвч үүсгэх нь хөрсний чийгийн алдагдлыг 60% бууруулж чаддаг. Манай орны тариалангийн талбай, бэлчээрийн мал аж ахуй зэрэгцэн оршдог нөхцөлд сүрлэн бүрхэвч үүсгэх нь хүндрэлтэй байдаг. Сүрлэн бүрхэвч бий болгохын тулд талбайг хашаажуулах, аль эсвэл тариалангийн талбайг малын бэлчээрээс чөлөөлөх замаар шийднэ.
Таримлын сэлгээ
Таримлын сэлгээ нь тариалангийн талбайд гарч болох өвчин хортон шавжийг багасгадаг. Хамгийн гол нь чийгийг зөв зохистой хуваарилж ашиглах, олон улсад хамгийн тохиромжтой сэлгэж тарих аргыг хэрэглэдэг.
Манай компани Буудай - Буудай - Буудай - Рапс гэсэн сэлгээг мөрдөж ажилладаг.
Хөрсний үржил шимийг сайжруулах тэжээлийн ургамал тариалах
Жил дараалан таримал тариалахад хөрсний үржил шим нь хомсдож, жилээс жилд хураан авах ургацын хэмжээ буурна. Иймд үржил шимийг бууралахгүйгээр нөхөн сэргээхийн тулд бордоо хэрэглэх эсвэл хөрсийг үржил шимээр сайжруулах тэжээлийн таримал тариалах юм. Буурцагт таримлууд нь агаарын азотыг иш навчаараа дамжуулан авч үндсэндээ хуримтлуулж хөрсийг азотоор баяжуулдаг.
Тариалалтыг эрт эхлүүлэх
Өмнө нь тариалалтыг 5-р сарын 1-нээс эхэлдэг байсан бол одоо 4-р сарын 20-оос эхэлдэг болсон.
Чанартай сайн үрээр тариалах
Гуурсанд бордоотой тариалалт хийх, өвчин, хортоноос хамгаалах, хог ургамлаа хянах зэрэг арга технологиудыг ашигладаг.

Газар тариалангийн салбарт ашиглаж буй дэвшилтэт техникүүд


“Гацуурт” ХХК нь Газар тариалан мал аж ахуйн салбартаа дэлхийд хөдөө аж ахуйн тоног төхөөрөмж үйлдвэрлэлээр тэргүүлэгч АНУ, КАНАД, ГЕРМАН, ДАНИ, ИТАЛИ зэрэг орнуудын нийт 534 техник, тоног төхөөрөмж ашиглаж байна. Үүний 113 трактор, 28 комбайн, 347 ХАА-ын агрегат, тоног төхөөрөмж, 46 ш үр тариа ачигч Auger /2016 оны 12-р сарын байдлаар/ байна.

ХАА-н техник, тоног төхөөрөмжийн үйлдвэрлэлтээрээ дэлхийд тэргүүлэгч 220 жилийн түүхтэй АНУ-ын John Deere компаний өндөр хүчин чадалтай үр тариа хураах 28 комбайн, 250-450 морины хүчин чадалтай 80 гаруй трактор, агергатууд болон бусад тоног төхөөрөмжүүд
Канад улсын Morris Industries Co.,ltd компаний хийн даралтат 8-21 метрийн авцын өргөнтэй үрлэгч, 7-18 метрийн хавагч, 12-24 метрийн өргөнтэй культиватор, 4-8 метрийн өргөнтэй диск
Дани улсын Hardi компанийн 12-36 метрийн өргөнтэй ургамал хамгаалах бодис цацагч 17 ширхэг
Канад улсын WESTEEL компанийн агааржуулалтын систем бүхий будааны температур хэмжигчтэй 174000 тонн үр тариа хадгалах босоо агуулах
Канад улсын SKYWAY GRAIN SYSTEMS INC компаний цагт 80-100 м3 будаа ачиж буулгах автомат систем; Дани улсын Asa lift брэндийн хоёр мөрөөр лууван хураах комбайн
Итали улсын Мерло брэндийн телехандер, механизмууд
Төмс, хүнсний ногооны тоног төхөрөмжөөр үйлдвэрлэгчээр дэлхийд тэргүүлэгч Герман улсын Grimme компаний төмс хүнсний ногоо үрлэх, боловсруулах, хураан авах 10 гаруй техник тоног төхөөрөмж зэргийг бүрэн цогцоор үйлдвэрлэлдээ нэвтрүүлснээр газар тариалангийн хүнд ажил болох үр цэвэрлэх, ачих, буулгах, ариутгах, хөрс боловсруулах, үр тариаг тариалах, хураах ажлуудыг 100% механикжуулаад байгаа нь ихээхэн үр өгөөжтэй ажил болоод байна.